၇ နှစ်နေ့ ဘုရားရှိခိုး

လယ်တီဆရာတော်ဘုရားကြီး၏ (၇)နေ့ ဘုရားရှိခိုးနှင့် ဆုတောင်းအမျှဝေ

သုံးလူ့ရှင်ပင်၊ ကျွန့်ထိပ်တင်၊ သောင်းခွင် စကြာဝဠာ၊
နတ်ဗြဟ္မာတို့၊ ညီညာရုံးစုတောင်းပန်မှုကြောင့်၊ ရတုနဂို၊
ရွှန်းရွှန်းစိုသည်၊ ၀ါဆိုလပြည့်၊ ကြွက်မင်းနေ့ဝယ်၊
ချမ်းမြေ့ကြည်ဖြူ သန္ဓေယူသည်၊ နတ်လူငြိမ်းဖို့ ကိန်းပါကို။ (ကြာသာပတေးနေ့)

သန္ဓေယူကာ၊ ဆယ်လကြာသော်၊ မဟာသက္ကရာဇ်၊ ခြောက်ဆယ့်ရှစ်ကြုံ၊
ကဆုန်လပြည့်၊ သောကြာနေ့ဝယ်၊ ချမ်းမြေ့စုံစီ၊ လုံမ္ပနီ၌ မဟီလှိုက်ဆူ၊
ဖွားတော်မူသည်၊ နတ်လူအောင်မြို့၊ လမ်းပါကို။ (သောကြာနေ့)

ဖွားမြင်မြောက်သော်၊ ဆယ်ခြောက်နှစ်ရွယ်၊ ပျိုနုနွယ်၌၊ သုံးသွယ်ရွှေနန်း၊
သိမ်းမြန်းပြီးလစ်၊ ဆယ့်သုံးနှစ်လျှင်၊ ဘုံးသစ်လျှံလူ၊ စံတော်မူ၍၊
ရွယ်မူနုဖြိုး၊ နှစ်ဆယ့်ကိုးဝယ်၊ လေးမျိုးနိမိတ်၊ နတ်ပြဟိတ်ကြောင့်၊
ရွှေစိတ်ငြင်ငြို၊ သံဝေပိုက၊ ၀ါဆိုလပြည့်၊ ကျားမင်းနေ့ဝယ်၊ ချမ်းမြေ့ရဂုံ၊
တောရပ်လှုံသည်၊ စုံမြိုင်ပင်ရိပ်ခန်းမှာကို…။ (တနင်္လာနေ့)

တောရပ်မြိုင်ပေါ်၊ ခြောက်နှစ်ကျော်၍၊ ခါတော်တစ်ပုံ၊ ပွင့်ချိန်ကြုံက၊
ကဆုန်လပြည့်၊ ဆင်မင်းနေ့ဝယ်၊ မြေ့ပရမေ၊ ပလ္လင်ဗွေထက်၊ ရွှေညောင်ပင်ကြီး၊
ဗိမာန်ထီးနှင့်၊ မငြီးကြည်ဖြူ၊ နေတော်မူလျက်၊ ရန်မြူခပင်း၊ အမိုက်သင်းကို၊
အရှင်းပယ်ဖျောက်၊ အလင်းပေါက်က၊ ထွန်းတောက်ဘုန်းတော်၊
သောင်းလုံးကျော်သည်၊ သုံးဖော်လူတို့ ငြိမ်းပါကို… ။ (ဗုဒ္ဓဟူးနေ့)

ဘုရားဖြစ်ခါ၊ မိဂဒါသို့၊ စကြာရွှေဖွား၊ ဖြန့်ချီသွား၍၊ ငါးပါးဝ္ဂီ၊ စုံအညီနှင့်၊
မဟီတစ်သောင်း၊ တိုက်အပေါင်းမှ၊ ခညောင်းကပ်လာ၊ နတ်ဗြဟ္မာအား၊
ဝါဆိုလပြည့်၊ စနေနေ့ဝယ်၊ ကြွေ့ကြွေ့လျှံတက်၊ ဓမ္မစက်ကို၊ မိန့်မြွက်ထွေပြား၊
ဟောဖော်ကြားသည်၊ တရားနတ်စည် ရွမ်းတယ်ကို…။ (စနေနေ့)

တရားနတ်စည်၊ ဆော်ရွမ်းလည်က၊ သုံးမည်ဘုံသိုက်၊ တစ်သောင်းတိုက်ဝယ်၊
ကျွတ်ထိုက်သသူ၊ နတ် လူ ဗြဟ္မာ သတ္တ၀ါကို၊ ခေမာသောင်သို့၊ ဖောင်ကူးတို့ဖြင့်၊
ဆောင်ပို့ပြီးကာ၊ ၀ါလေးဆယ့်ငါး၊ သက်ကားရှစ်ဆယ်၊ စုံပြည့်ကြွယ်က၊
ရာလေးဆယ့်ရှစ်၊ သက္ကရာဇ်ဝယ်၊ နယ်မလ္လာတိုင်း၊ စံနှိုင်းမယုတ်၊ ကုဿိန္နာရုံ၊
အင်ကြင်းစုံ၌၊ ကဆုန်လပြည့်၊ အင်္ဂါနေ့ဝယ်၊ ချမ်းမြေ့နိဗ္ဗူ၊ စံတော်မူသည်၊
ဝန်းဆူသောင်းလုံးကျော်တယ်ကို…။ (အင်္ဂါနေ့)

နိဗ္ဗူစံပြီး၊ ရှုမအီသား၊ သင်္ဂီရွှေလှော်၊ အလောင်းတော်ကို၊ ထိုရော်ကဆုန်၊ လဆုတ်ကြုံ၍၊
ဂဠုန်နေ့ဝယ်၊ ခိုးငွေ့မနှော၊ ဓာတ်တေဇောလျှင်၊ ရှင်စောဉာဏ်စက်၊ ဓိဌာန်ချက်ဖြင့်၊
လျှံတက်ကော်ရော်၊ မီးပူဇော်သည်၊ မွေတော်ရှစ်စိတ်ကြွင်းတယ်ကို…။ (တနင်္ဂနွေနေ့)

ထိုခုနှစ်နေ့၊ သာချမ်းမြေ့ကို၊ ဆွေ့ဆွေ့ကြည်ဖြူ၊ အာရုံယူလျက်၊ သုံးလူတို့နတ်၊
မြတ်ထက်မြတ်သား၊ ကိုယ်တော်ဖျားကို၊ သုံးပါးမှန်စွာ၊ ၀န္ဒာနာနှင့်၊ သဒ္ဒါဖြိုးဖြိုး၊ ကျွန်ရှိခိုးသည်၊
ကောင်းကျိုးခပ်သိမ်း ကြွယ်စေသော် …

အဆုံးဘ၀၊ တိုင်ပြန်ကလည်း၊ ပညာ့အရာ၊ ဘိဓမ္မာနှင့်၊ ကြေညာကျော်ကြား၊ လူအများကို၊
တရားစည်ကြီး၊ ဖိန့်ဖိန်းတီး၍၊ မီးဆယ်တစ်တန်၊ ငြိမ်းရာမှန်သည်၊ နိဗ္ဗာန်အောင်မြို့ ရောက်စေသော်…။

ဤတွင် လယ်တီဆရာတော်ဘုရားကြီး၏ (၇)နေ့ဘုရားရှိခိုးပြီး၏။

ကုသိုလ်ဘယ်လိုတိုး

ကုသိုလ်ဘယ်လိုတိုး
တစ်ချိန်တုန်းကပေါ့.. မြတ်ဗုဒ္ဓသည် ကောသလတိုင်းမှာရှိတဲ့ ပေါက်ပင်တော ရွာလေးတွင် သီတင်းသုံးလျှက် ရဟန်းအပေါင်းကို တရားရေအေးတိုက်ကြွေး နေတော်မူရင်း နူးညံ့သော စိတ်နှလုံးဖြင့် တိတ်ဆိတ်နေတဲ့ သူ၏ရဟန်း ပရိသတ်ကြီးကို စောင်းငဲ့ကြည့်ရှုတော်မူကာ သူ၏လက်ယာဘက်တွင် သီတင်းသုံးနေသော အရှင်သာရိပုတြာမထေရ်မြတ်ကို..
ချစ်သား သာရိပုတြာ.. ရဟန်းအပေါင်းဟာဖြင့်.. ထိုင်းမှိုင်းမှု မရှိ ပကတိ တည်ကြည်တဲ့ စိတ်နှလုံးတွေ ရှိနှင့်နေဘိ၏.. ငါကိုယ်တော်မြတ် ညောင်းညာနေ၍ ခေတ္တအနားယူမည်.. သင်ချစ်သားဆက်လက်ပီး တရားဟောပါလေဟု မိန့်မှာတော်သောကြောင့်.. ကောင်းလှပါပီ မြတ်အရှင်ဟု ဆိုကာ.. ဆက်လက်တရားရေအေးတိုက်ကျွေးလေသည်မှာ..
ငါ့ရှင်တို့.. လဆုတ်ရက်မှာ ထွက်ပေါါ်လာသော လသည် တဖြည်းဖြည်း နှင့် နေ့ရောညပါ အဆင်းအနေနဲ့လဲ ဆုတ်ယုတ်လာသလို၊ အလုံးအ၀ိုင်းအား ဖြင့်လဲ ဆုတ်ယုတ်လာသလို၊ အရောင်အားဖြင့်လဲ မှေးမှိန်လာသလို၊ ငါ့ရှင်တို့ ထို့အတူသာပဲ ကုသိုလ်တရားတို့.၌ ယုံကြည်မှုမရှိသူ၊ အရှက်မရှိသူ၊ ထိတ်လန့်မှု မရှိသူ၊ အားထုတ်မှုမရှိသူ၊ ကုသိုလ်တရားတို့၌ အသိညာဏ်မရှိသူ ပျင်းရသူ၊ ပညာမဲ့သူ၊ အမျက်ဒေသထွက်တတ်သူ၊ အငြိုးအတေးကြီးသူ၊ အလိုဆိုးရှိသူ၊ မိတ်ဆွေယုတ်ရှိသူ၊ အယူမှားရှိသူ မည်သူမဆို ရောက်လာသမျှသော နေ့ညတို့တွင် ကုသိုလ်တရားတို့၌ ဧကန်မုချ ဆုတ်ယုတ်နေလေ၏။ တိုးပွားရန်ကား မမျှော်လင့်ပါလေနှင့်ဟု.. မိန့်ဆိုတော်မူ လေ၏။
ကုသိုလ်တရားတို့၌ ယုံကြည်မှုရှိသူ၊ အရှက်ရှိသူ၊ ထိတ်လန့်မှုရှိသူ၊ အားထုတ်မှုရှိသူ၊ ယင်းတရားတို့၌ အသိညာဏ်ရှိသူ ဘယ်သူမဆိုဟာဖြင့် လဆန်းရက်မှာ ထွက်လာတဲ့ လသည် နေ့ညမပြတ် အဆင်း အရောင် အ၀န်း အ၀ိုင်းသည် ဆုတ်ယုတ်မှုမရှိပဲ အဆက်မပြတ်တိုးပွားနေဘိသကဲ့သို့ ထိုပုဂ္ဂိုလ်သည် ကုသိုလ်တရားများ အဆက်မပြတ်တိုးပွား စည်ပင်နေလေသည် ဟု မိန့်တော်မူ၏။

ချမ်းသာစစ်

တစ်ခါက သစ်ရိပ်ဝါးရိပ်များဖြင့် အေးချမ်းနေသော ရွာငယ်လေးတစ်ရွာရှိလေ၏..
ရွာဦးထိပ်တွင်မူ လေအဝှေ့တွင် ဆဲလဲသံသာသာဖြင့် ထုံးစေတီဖွေးဖွေး တစ်ဆူနှင့်အတူ ဆိပ်ငြိမ်လွန်း လှသည့် ကျောင်းတစ်ကျောင်းလဲရှိလေ၏၊ ထိုကျောင်းတွင် သီတင်းသုံးနေသည့် ဆရာတော်သည် လည်း ဘ၀၏အေးချမ်းမှုကို ထာဝရပိုင်ဆိုင်ထားလေ၏။
တစ်နေ့ ဆရာတော်ထံ ရွာထဲမှ ဒကာတစ်ဦးရောက်လာကာ ဆရာ ဒကာ နှစ်ဦးသား မှတ်သားစရာ စကားတွေ ပြောကြားကြရင်း ဒကာက ဆရာတော်ကို မေးခွန်းနှစ်ခုကို မေးလျှောက်လိုက်လေ၏၊

ဒကာ… အရှင်ဘုရား လူတွေ ပြောပြောနေကြတဲ့ ချမ်းသာတယ်ဆိုတာ ဘာလဲဘုရား..
ပီးတော့.. ဆင်းရဲတယ်ဆိုတာ ဘာလဲဘုရား.. တပည့်တော်မသိလို့ ဖြေကြား ပေးပါဘုရား..ဟူ၏
ဆရာတော်… ဒကာတော်.. လောကကြီးမှာ ဘ၀သစ်ခန္ဓာရလာရင် ဆင်းရဲတာပဲ
ပီးတော့ ဘ၀သစ်ခန္ဓာမရတော့ရင် ချမ်းသာတော့တာပဲ ဒကာတော်
ဒကာ… အရှင်ဘုရား ဘ၀သစ်ခန္ဓာရလာရင်ဆင်းရဲပီး ဘ၀သစ်ခန္ဓာမရတော့ရင် ချမ်းသာတယ်ဆိုတာလေး ဆက်လက်ရှင်းပြပါအုံးဘုရား..
ဆရာတော်… ဒကာတော် ဘ၀သစ်ခန္ဓာရလာပီဆိုရင်.. ရာသီဥတုအေးတော့လဲ အေးလွန်းတဲ့ ဒုက္ခ၊ ပူလာပီဆိုတော့လဲ ပူလွန်းတဲ့ဒုက္ခ၊ စားချင်တော့ စားချင်တဲ့ဒုက္ခ၊ သောက်ချင်တဲ့ဒုက္ခ၊ စားပြန်သောက်ပြန်တော့လဲ ကျင်ကြီးကျင်ငယ်စွန့်ချင်တဲ့ ဒုက္ခ၊ ရာဂမီး ဒေါသမီး မောဟမီး တောက်လောင်မှုဒုက္ခ၊ ကြီးနိုင်ငယ်ညှင်းမှု ကြောင့် ရိုက်နှက် ထိုးခုတ် ပစ်သတ်ခံရမှုဒုက္ခ၊ သဘာဝဘေးဒဏ်ခံရမှုဒုက္ခ၊ ဟိုဟာမလုပ်ရ ဒီဟာမလုပ်ရနဲ့ အုပ်ချုပ်သူတွေ အာဏာပါဝါရှိသူတွေ ဆွေမျိုးသားချင်းတွေ မိဖ သားမယားယောင်္ကျားတို့ရဲ့ အဆင့်ဆင့် ချုပ်ချယ်မှု စ တာတွေဟာ အနဲနဲ့အများ ခံစားရမည်ဖြစ်ခြင်းကြောင့် ဘ၀သစ်ရလာရင် ဆင်းရဲတယ်လို့ ငါပြောတာပေါ့ ဒကာ။
ပီးတော့ ဘ၀သစ်ခန္ဓာမရတော့ရင် အထက်ပါဆင်းရဲဒုက္ခတွေ ဖြစ်လာနိုင် စရာအကြောင်းမရှိနိုင်တဲ့အတွက် ချမ်းသာစစ်ဖြစ်ပေတယ်လို့ ဆိုလိုခြင်း ဖြစ်ပါတယ် ဒကာတော်… ဟု မိန့်ကြားတော်မူ၏။

ချမ်းသာစစ်

့ဟဲလို
ချမ်းသာစစ်ကို ရချင်ပါလား